Eich Dihangfa yn Sir Benfro
Nid yw’r canllaw mynediad yn cynnwys unrhyw farn bersonol o ran pa mor addas ydyn ni ar gyfer pobl ag anghenion mynediad. Ei nod yw disgrifio’r cyfleusterau a’r gwasanaethau sydd ar gael yn Llys-y-frân yn gywir er mwyn helpu pob ymwelydd, gan gynnwys y rhai ag anableddau, i gynllunio eu hymweliad.
Cynigir 10% o ddisgownt ar weithgareddau ac yn y caffi a’r siop (heblaw am alcohol) i’r bobl ganlynol:
Staff y GIG a’r Gwasanaethau Brys
Parcio am ddim i bobl â Bathodyn Glas (gweler isod).
Am gyngor ar sut i gyrraedd Llys-y-frân, gan gynnwys ar gludiant cyhoeddus, ewch i’n tudalen Ble Ydyn Ni.
Mae chwe lle parcio ar gael i bobl ag anableddau. Caiff pobl â Bathodyn Glas barcio am ddim drwy’r dydd. Cofiwch gofnodi rhif cofrestru eich car wrth y dderbynfa.
Mae hawlenni parcio blynyddol am ddim ar gael i bobl â Bathodyn Glas eu defnyddio ar un cerbyd – holwch wrth y dderbynfa.
Mae arwyneb y maes parcio’n anwastad mewn mannau oherwydd graean a cherrig mân.
Mae tai bach y tu allan i’r ganolfan ymwelwyr mewn adeilad gyferbyn â’r Maes Marcio, gyda thoiledau wedi eu gwahanu yn ôl rhywedd.
Mae’r maes parcio tua 50 metr o’r Ganolfan Ymwelwyr.
Mae’r brif fynedfa i’r Ganolfan Ymwelwyr ar hyd ramp mynediad hir sy’n dringo’n raddol, ac mae yna ganllaw. Mae grisiau hefyd.
Mae drysau dwbl awtomatig yn agor i’r ardal groeso, sy’n cynnwys desg wybodaeth a siop anrhegion.
Mae’r ddesg wybodaeth/derbynfa yn union o flaen prif fynedfa’r Ganolfan Ymwelwyr. Mae hi mewn ardal fwy tawel o’r adeilad, draw wrth y caffi.
Mae’r ddesg wybodaeth ar ddwy lefel. Mae’r rhan uchaf 110cm o uchder.
Mae rhan isaf y ddesg 77cm o uchder ac mae yna le clir o dan y ddesg fel y gellir mynd yn agos ati mewn cadair olwyn neu â chymorth symudedd.
Mae yna nifer o fynedfeydd ochrol aml-ris o’r patio i’r Ganolfan Ymwelwyr.
Gellir cyrraedd y patio heb risiau o flaen yr adeilad. Ym mhen pellaf y patio, mae yna risiau sy’n arwain i lawr at lwybr sy’n mynd o amgylch y safle. Gellir cyrraedd y llwybr heb risiau o flaen y Ganolfan Ymwelwyr.
Mae’r Ganolfan Ymwelwyr gyfan ar lefel wastad heb risiau.
Arwyneb llyfn o fath linoliwm yw’r llawr ym mhob rhan o’r Ganolfan Ymwelwyr.
Palmant concrit yw arwyneb y patio allanol.
Mae lled lleiaf y drysau a’r mannau y tu fewn i’r Ganolfan Ymwelwyr yn addas i gadeiriau olwyn.
Mae pob drws sengl o leiaf 87cm o led.
Mae yna arwyddion cyfeirio clir ym mhob rhan o’r adeilad, gan gynnwys arwyddion cyferbynnedd uchel i’r toiledau.
Mae’r tu fewn i’r Ganolfan Ymwelwyr wedi ei oleuo’n dda, a gellir addasu’r goleuadau.
Mae tai bach y tu allan i’r ganolfan ymwelwyr mewn adeilad gyferbyn â’r Maes Marcio, gyda thoiledau wedi eu gwahanu yn ôl rhywedd.
Y tu fewn i’r Ganolfan Ymwelwyr, mae’r toiledau oll mewn un ardal ger mynedfa’r caffi.
Mae gan yr holl doiledau un drws â botwm gwthio, ac maent yn agor am i mewn.
Mae yna doiledau ar wahân i wrywod a benywod.
Mae yna un toiled hygyrch neillryw hefyd sy’n cynnwys bwrdd newid cewynnau babis.
Mae cortyn larwm coch sy’n cyrraedd y llawr a’r canllaw yn y toiled hygyrch.
Mae toiled, cawod a chyfleusterau newid hygyrch yn y Ganolfan Gweithgareddau, sydd tua 100m o’r Ganolfan Ymwelwyr.
Mae gan Llys-y-frân ystafell gyfarfod ac ystafell ddigwyddiadau fawr sydd ar gael i’w llogi.
Mae gan yr ystafelloedd cyfarfod a digwyddiadau ddrysau dwbl sy’n agor â llaw, ac mae arwyneb llyfn ar y llawr.
The meeting and function rooms have manual double doors, and the flooring is a smooth surface.
Mae’r caffi’n fawr ac wedi ei oleuo’n dda.
Mae yna banel gwydr ar y dde wrth fynd i mewn i’r caffi.
Mae drysau dwbl sy’n agor â llaw allan i’r patio.
Mae ymwelwyr yn archebu wrth y cownter. Gall staff gludo bwyd a diod i’r bwrdd.
Mae’r caffi’n gallu bod yn swnllyd ar adegau prysur, ond mae yna seddi ychwanegol ar y patio neu wrth ymyl y siop anrhegion.
Mae dewis o fyrddau a chadeiriau o wahanol uchder a math.
Mae bwydlenni ar gael ar y byrddau ac ar y sgrin uwchben y man talu.
Mae bwyd heb glwten / heb gynnyrch llaeth / figan ar gael ac wedi ei labelu.
Mae’r ganolfan gweithgareddau’n hollol hygyrch â mynediad ar hyd ramp heb risiau a drysau llydan i ddarparu ar gyfer cadeiriau olwyn.
Mae toiledau ac ystafelloedd newid hygyrch ar gael y tu fewn i’r ganolfan gweithgareddau, gyda chyfleusterau wedi eu rhannu yn ôl rhywedd, a chyfleuster newid a chawodydd cymysg hefyd.
Gellir teilwra’r rhan fwyaf o weithgareddau at anghenion unigol, er hwyrach na fydd modd addasu rhai ohonynt at bob math o anabledd. Mae’r sefydliad yn gweithio gyda Chwaraeon Anabledd Cymru a’r Cyrff Llywodraethu Cenedlaethol er mwyn cynnal gwybodaeth a hybu cynhwysiant. Os oes pryderon penodol am hygyrchedd, anogir unigolion i gysylltu â’r tîm i drafod eu gofynion.
Mae llwybrau’r ganolfan ymwelwyr yn llydan, yn cael eu cynnal yn dda, ac ar y cyfan maent yn addas ar gyfer cymhorthion symudedd, ond mae’n bosibl y bydd angen i ddefnyddwyr ystyried eu galluoedd a’u hoffer eu hunain ar gyfer rhai o’r dringfeydd.
Mae ymdrechion i wneud yr ystâd yn hygyrch yn parhau, ond mae rhai rhannau o’r parc gwledig yn dal i fod yn sialens oherwydd eu tirweddau naturiol, anwastad a graenog, ac mae rhagor o welliannau dan ystyriaeth.
Mae gan lwybrau cylch y gronfa arwynebau graean anwastad sy’n gallu eu gwneud nhw’n anodd neu’n beryglus i rai defnyddwyr eu mwynhau.
Caniateir cŵn, ond rhaid eu cadw ar dennyn neu harnais bob amser.
Nid oes yna fan tawel dynodedig, ond mae yna fannau mwy tawel i eistedd y tu allan i’r caffi wrth ymyl y siop anrhegion.
Mae dolenni clyw ar gael yn y dderbynfa, y caffi, a derbynfa’r ganolfan gweithgareddau. Cewch symud yr uned i’r lle gorau i’w defnyddio.
Mae ATV (sy’n cael ei yrru gan aelod o staff) ar gael i gludo ymwelwyr i’r Llyn, ond rhaid trefnu hyn ymlaen llaw.
Mae WiFi ar gael.
Mae cadair olwyn gyffredin ar gael i ymwelwyr ei defnyddio am y diwrnod. I holi, cysylltwch â Llys-y-frân ar 01437 532273.
Mae yna nifer o allanfeydd tân, o flaen ac ar ochr y Ganolfan Ymwelwyr.
Nid oes grisiau i unrhyw allanfeydd tân.
Drysau dwbl i’w hagor â llaw yw’r holl allanfeydd tân.
Mewn argyfwng, y rheolwr sydd ar ddyletswydd sy’n gyfrifol am sicrhau bod yr holl ymwelwyr a staff yn gadael yr adeilad yn ddiogel, a byddant yn helpu pobl os oes angen.
Mae system larwm clywadwy yn y Ganolfan Ymwelwyr, ac mae o leiaf un larwm gweladwy ym mhob ystafell hefyd.
