Y Ffwlbart

Un o famolion difyr Llys-y-Frân yw’r ffwlbart, cefnder gwyllt y ffured ddomestig. Mae’r streipiau gwyn ar hyd ei wyneb lliw tywyll yn gwneud iddo edrych fel pe bai’n gwisgo masg lleidr pen-ffordd.. Mae gan y ffwlbart flew deuliw: gyda haen o flew tywyll yn gorchuddio is-haen o flew mwy golau. Mae ganddo gynffon byr a thywyll a chlustiau bach crwn.

Bu’r ffwlbart yn agos at ddiflannu o Brydain. Goroesodd yma yng ngorllewin Cymru’n bennaf, er ei fod bellach wedi ehangu ei gynefin ar draws y wlad ac i mewn i Loegr. Mae’r ffwlbart yn hela dros nos, gan ysglyfaethu cwningod a chnofilod bychain, ond mae’n gallu bwyta brogaod, adar a nadredd hefyd.