Llwybrau Beicio Mynydd yn Llyn Llys-y-Frân - Mynediad am Ddim

Llwybrau

Beicio Mynydd

yn Llys-y-frân Lake

Gan Dŵr Cymru

Cau Llwybrau Cerdded a Beicio

Am chwech wythnos o 19 Ionawr hyd 6 Mawrth 2026, bydd y llwybrau cerdded a beicio ar ochr orllewinol y llyn ar gau ar gyfer gwaith hanfodol, gan gynnwys dymchwel a disodli’r bompren yng Nghoedwig y Felindre.

Bydd y gwaith yn effeithio ar y llwybrau beicio canlynol:

Reservoir Route

Woodstock Route

Family Route

Bydd y gwaith yn effeithio ar y llwybrau beicio mynydd canlynol:

Woodstock Weave

Dam Good View

Bluebell Woods

Fern Gulley

The Otter Spotter

Kingfisher Canyon

Peregrine Pass

The Dam Buster

Rocky Road

Daw’r prosiect hwn, sy’n cael ei gyflawni gyda chymorth Cronfa Treftadaeth y Loteri trwy’r Grant Buddsoddi mewn Coetiroedd, yn sgil ymateb i adborth cwsmeriaid.

Diolch i chi am eich amynedd wrth i ni barhau i wella Llys-y-frân.

Llwybrau Beicio Mynydd yn Llyn Llys-y-Frân

Mae ein llwybrau beicio mynydd yn fforchio oddi ar brif Lwybr y Gronfa cyn ailymuno wedyn.

 

Dilynwch yr holl lwybrau beicio mynydd i gyfeiriad gwrthglocwedd os gwelwch yn dda.

Mae yna gyfanswm o 2.4km (1.5 milltir) o lwybrau beicio mynydd ychwanegol sy’n amrywio o rai gwyrdd/rhwydd i rai du/caled.

Dyluniwyd y rhain i’ch helpu chi i ddatblygu a herio’ch gallu a’ch hyder. Mae cod lliw i bob llwybr, felly dewiswch eich antur ar sail lefel eich sgil.

Llwybrau Gwyrdd (Rhwydd)

Llwybr i ddechreuwyr lle mae’r holl nodweddion (neidiau, disgynfeydd, creigiau ac ati) yn addas i unrhyw un sy’n gallu reidio beic.

Llwybrau Glas (Cymedrol)

Llwybr sy’n gorfforol ymestynnol mewn mannau. Yn cynnwys dringfeydd llafurus ond cymharol fyr. Mae angen lefel dda o ffitrwydd. Mae llwybrau lefel uchel yn aml yn agored i’r elfennau.

Llwybrau Coch (Anodd)

Llwybr sy’n gorfforol ymestynnol. Dringfeydd hir ac estynedig drwyddi draw. Mae llwybrau lefel uchel yn aml yn agored i’r elfennau. Mae safon uchel o ffitrwydd yn hanfodol.

Llwybrau Du (Caled)

Llwybr ymestynnol dros ben. Bydd angen beic o safon uchel arnoch ar gyfer y llwybrau hyn, a rhai sgiliau arbenigol. Disgwyliwch lethrau serth, tir amrywiol a disgynfeydd anhepgor. Mae safon uchel iawn o ffitrwydd yn hanfodol.

Llwybrau Beicio Llys-y-frân

Grebe Glen

Ewch i lawr i’r lan am lwybr un trac sy’n goleddfu i fyny ac i lawr â rhan greigiog opsiynol graddfa las.

Hyd y Llwybr: 300m

Duck, Duck, Goose

Dechreuwch eich antur dros ysgafellau a rholwyr tebyg i’r ardal sgiliau ar y llwybr llif bach yma.

Hyd y Llwybr: 300m

Woodstock Weave

Dringfa ysgafn araf trwy goedwig ddwys cyn disgyn yn braf ar hyd llwybr hir a thonnog sy’n igam-gamu trwy’r coed mawreddog i ymuno â’r brif drac.

Hyd y Llwybr: 750m

Dam Good View

Torrwch drwy rhan o lwybr hen glawdd gan ddisgyn dros y bont a chilfach y nant. Dringwch nôl i ben i goedwig ar draws bont y lan ogleddol i gyrraedd pwynt uchaf y safle lle cewch fwynhau golygfeydd o’r argae a Chwm Syfynwy. Yn cysylltu’n uniongyrchol â Chwalwr yr Argae.

Hyd y Llwybr: 750m

Bluebell Woods

Igam-ogamwch rhwng rhai o goed mwyaf mawreddog y safle cyn taro darn pedlo rhedynog agored gyda neidiau un ar ôl y llall, ac i mewn i hen dyfiant trwchus lle mae rhai o goed mwyaf y safle. Bydd carped o glychau’r gog yma yn y gwanwyn.

Hyd y Llwybr: 550m

Badger’s Bank

Igam-ogamwch i ben wal y chwarel â nodwedd glogfaen opsiynol graddfa goch cyn disgyn yn hwyliog i lawr y bryn gan lifo i mewn ac allan o’r coed.

Hyd y Llwybr: 1000m

Fern Gulley

Dringwch trwy’r golau brith mewn coedwig llawn rhedyn sy’n agor allan ac yn rolio trwy redyn trwchus â golygfeydd godidog o’r llyn.

Hyd y Llwybr: 225m

The Otter Spotter

Ewch i lawr i lan y llyn ar hyd lwybr un trac braf sy’n llifo i mewn ac allan o’r coed cyn gwastatáu a mynd i lawr tua’r gronfa. Cadwch lygad yn agored am ddyfrgwn, glas y dorlan a bylbiau’r gwanwyn yn yr ardal gadwraeth arbennig yma.

Hyd y Llwybr: 750m

Kingfisher Canyon

O’r uchelfannau, reidiwch ddisgynfa dechnegol serth llawn troeon ac ysgafellau i ddyfnderoedd cysgodol y cwm islaw, a’r bont sy’n croesi dwy nant. Wedyn mae dringfa dwyllodrus i fyny ochr y cwm cyn disgyn yn gyflym heibio i ragor o frigiadau creigiog a choed llawn mwsogl.

Hyd y Llwybr: 1000m

Peregrine Pass

Fel rhuban cordeddog o faw, mae’r llwybr yma’n llifo ar draws y cae trwy rolwyr, neidiau ac ysgafellau i drac denau cyflym a throellog. Croeswch y bont dros y ceunant ar y lan ogleddol a thaclwch disgynfa fach serth cyn cychwyn i lawr rhan olaf y llwybr.

Hyd y Llwybr: 400m

The Dam Buster

Dyma ddisgynfa cyflym sy’n goleddfu gyda rholwyr, neidiau ac ysgafellau mawr sy’n troi’n droeon tynn trwy’r goedwig, mae creigiau a gwreiddiau agored yma ac acw, a disgynfeydd sydyn cyn gorffen ger wal yr argae.

Hyd y Llwybr: 1000m

Rocky Road

Dringfa greigiog dechnegol i ben y clogwyn lle mae golygfeydd godidog o’r gronfa. Yn y llethrau uchel byddwch yn pasio brigiadau creigiog cyn disgyn trwy lwybrau creigiog naturiol, disgynfeydd a nodweddion du opsiynol sy’n llifo trwy hen goetiroedd.

Hyd y Llwybr: 900m

Rhannwch â Gofal

Mae cerddwyr a beicwyr yn rhannu’r llwybrau hyn, cofiwch fod yn ystyriol ac yn barchus at eich gilydd.

Er bod blaenoriaeth i gerddwyr, plis gadewch i feicwyr basio’n ddiogel. Beicwyr i reidio’r llwybrau mewn cyfeiriad gwrthglocwedd.

•      Cadwch i’r chwith, pasiwch ar y dde

•     Mynnwch gael eich gweld a’ch clywed, cadwch yn ddiogel

•      Defnyddiwch oleuadau os yw’n dywyll neu’n gymylog

•      Pasiwch yn ofalus ac yn araf

•      Rhoddir blaenoriaeth i gerddwyr

•      Reidiwch ar gyflymdra call

•     Arafwch lle na allwch weld beth sy’n dod

•      Defnyddiwch y biniau neu ewch â’ch sbwriel adref

Llwybrau eraill a allai fod o ddiddordeb

Y Llwybr Beicio i Deuluoedd

3.19m / 5.13km. Mwynhewch hyfrydwch y goedwig a’r golygfeydd bendigedig o’r dŵr wrth feicio ar hyd y Llwybr i Deuluoedd.

• EWCH I’R LLWYBR •

Llwybr Beicio’r Gronfa

6.27m / 10.1km. Mwynhewch reid cyffrous ar eich taith trwy’r coed wrth fwynhau golygfeydd hyfryd y goedwig.

• EWCH I’R LLWYBR •

Llwybr Cerdded y Felindre i Deuluoedd

3.4m / 5.4km. Mwynhewch hyfrydwch y goedwig a’r golygfeydd bendigedig o’r dŵr ar daith gerdded a fydd yn cymryd ychydig yn llai na 3 awr.

• EWCH I’R LLWYBR •

.

ATEBION DŴR CROES ERAILL

01437 532273

llysyfran@dwrcymru.com
Llys-Y-Fran, Heol Clarbeston, Sir Benfro, SA63 4RR

YMUNWCH Â NI AR Y CYFRYNGAU CYMDEITHASOL

Gan Dŵr Cymru

© 2026 Dŵr Cymru Cyf | Dŵr Cymru Cyf, cwmni cyfyngedig sydd wedi'i gofrestru yng Nghymru No. 2366777.
Swyddfa gofrestredig: Pentwyn Road, Nelson, Treharris, Canol Morgannwg CF46 6LY.

BWCIO NAWR