Mae gennym ddigonedd o offer i chi eu llogi, gan gynnwys rhwyf-fyrddau, caiacs a chanŵs.
Os oes gennych chi’ch offer eich hun a’ch bod chi’n hyderus ar y dŵr, gallwch dalu a chwarae gyda’n hopsiwn hunan-lansio.
Mae rhwyf-fyrddio’n hwyl ac yn amrywiol, sy’n golygu bod antur yn rhwydd o fewn eich cyrraedd!
Mae caiacio’n weithgaredd gwych y gall unrhyw un o unrhyw oedran ei fwynhau.
Canŵ yw’r cwch perffaith am ddiwrnod i’r brenin fel cwpwl neu am daith padlo fel teulu.
Bydd pris llogi’n cynnwys defnyddio ein siwt wlyb a chymorth hynofedd, neu gallwch wisgo’ch rhai eich hunain.
Rhwyf-fyrddio yw un o’r chwaraeon padlo sy’n tyfu’r cyflymaf am ei bod hi’n ffordd wych o gychwyn gweithgareddau ar y dŵr. Gall unrhyw un, waeth beth fo’u gallu, ddringo ar y bwrdd a symud mewn llinell syth. Mae’r byrddau i ddechreuwyr yn sefydlog iawn, gan ganiatáu i’r rhan fwyaf o bobl sefyll a phadlo cyn pen dim. Mae penlinio’n opsiwn hefyd er mwyn crwydro’n hamddenol.
• BWCIO NAWR •Y bwriad yw i chi eistedd ar ben ein caiacs â’ch coesau o’ch blaen wrth ddefnyddio padl â dwy lafn i lywio’r cwch. Gyda’r opsiwn o gaiac i un, dau neu dri pherson, gallwch badlo ar eich pen eich hun neu gyda ffrindiau a pherthnasau.
• BWCIO NAWR •Mae’r canŵ’n fath poblogaidd o gwch sydd wedi cael ei ddefnyddio ers miloedd o flynyddoedd. Mae’n cael ei ddefnyddio ar gyfer padlo hamdden heddiw, yn aml ar lynnoedd prydferth fel Llys-y-frân, ac mae yna ddigon o le ar gyfer sawl person, offer ac efallai picnic am y diwrnod hefyd?
• BWCIO NAWR •Lansiwch eich offer padlo eich hun i grwydro Llyn Llys-y-frân, a mwynhewch y golygfeydd godidog a’r bywyd gwyllt o safbwynt gwahanol.
Dylid nodi bod angen Yswiriant Atebolrwydd Trydydd Parti i hunan-lansio, a byddwn ni’n gofyn am gael gweld tystiolaeth o hyn. Mae yswiriant ar gael trwy Gyrff Llywodraethu Cenedlaethol fel Canŵio Cymru a’r Gymdeithas Hwylio Frenhinol.
Mae’r holl weithgareddau dŵr uchod ar gael i blant dros chwech oed, ond mae yna reolau arbennig ar gyfer grwpiau oedran penodol.
| Oedran | Gweithgaredd | Reolau |
|---|---|---|
| 4-5 | Cwch Hamdden, Canŵ Agored, Caiac i Deulu | Yn gallu mynd allan ar y dŵr, ond yyda dau oedolyn (18+ oed) |
| 6-7 | Cwch Hamdden, Canŵ Agored, Caiac i Deulu, Caiac i Ddau a Rhwyf-fwrdd (rhannu â 18+ oed) | Yn gallu mynd allan ar y dŵr, ond yyda dau oedolyn (18+ oed) |
| 8-13 | Unrhyw offer (Ac Eithrio Cychod Hamdden) | Eich offer eich hun ag oedolyn (18+ oed) allan ar y dŵr ar wahân. |
| 14-17 | Unrhyw offer (Ac Eithrio Cychod Hamdden) | Eich offer eich hun ag oedolyn (18+ oed) ar y dŵr neu’r lan. |
| 18+ | Unrhyw offer | yn amodol ar Amodau a Thelerau |
Mae gennym gyfleusterau newid gyda chawodydd cynnes a thai bach. Mae loceri ar gael am dâl ad-daladwy o £1.00.
Wrth logi ein hoffer, cewch gymorth hynofedd a siwt wlyb.
Gwisg nofio i’w wisgo o dan eich siwt wlyb.
Dillad sych i newid wedyn
Tywel
Eli haul
Potel o ddŵr
Esgidiau sy’n gorchuddio bysedd y traed
Dylid nodi bod esgidiau sy’n gorchuddio bysedd y traed yn hanfodol ar gyfer padlo, a rhaid eu gwisgo bob amser. Nid yw Crocs a Sliders yn addas.
Ni chaniateir unrhyw fynediad diawdurdod i’r dŵr.
Caniateir nofio dŵr agored yn rhan o sesiynau pwrpasol dan reolaeth dynn yn unig, a rhaid bwcio’r rhain ymlaen llaw.
Rydyn ni’n cynnig amrywiaeth eang o gyrsiau chwaraeon dŵr achrededig i fynd â chi bob cam o fod yn ddechreuwr i lefel uwch.
• MANYLION PELLACH •Mae Llys-y-frân yn ganolfan ar gyfer chwaraeon a gweithgareddau dŵr i bobl ifanc, gan gynnwys cyrsiau achrededig, clwb ar ôl ysgol a sesiynau antur i bobl ifanc.
• MANYLION PELLACH •Gyda’n tywysydd yn arwain y ffordd, chwiliwch am ryfeddodau bywyd gwyllt wrth fwynhau profiad hudolus a braf i bobl o bob oedran. Teithiwch dros y dŵr gan fwynhau llonyddwch
• BWCIO NAWR •Llogwch ganŵ, caiac neu rwyf-fwrdd ac ewch allan ar y dŵr. Ymgollwch yn y golygfeydd godidog a’r bywyd gwyllt bendigedig wrth weld y llyn o safbwynt hollol newydd. Mae’r sesiynau’n rhedeg pob dydd Sadwrn.
• BWCIO NAWR •Gyda’n harweiniad arbenigol, cewch grwydro’r llyn a dysgu sut i wella’ch techneg padlo a theimlo’n fwy diogel ar y dŵr. Am £95 am dair sesiwn 2.5 awr gyda hyfforddwr profiadol, mae’n werth rhagorol am arian.
• BWCIO NAWR •
