Yr Ardal Ymarfer Cŵn yn Llys-y-frân

Croeso i Berchnogion Da

Mae croeso cynnes i gŵn yn Llys-y-frân bob amser, ond hoffem atgoffa ymwelwyr taw’r Ardal Ymarfer Cŵn yw’r unig fan lle gellir cadw cŵn oddi ar eu tennyn. Dylid cadw cŵn ar dennyn ym mhob man arall – gan gynnwys y llwybr sy’n amgylchynu’r gronfa – ac allan o’r dŵr.

Mae hyn er mwyn tarfu cyn lleied â phosibl ar y bywyd gwyllt. Mae Llys-y-frân yn Safle o Ddiddordeb Gwyddonol Arbennig (SoDdGA) ac yn Ardal Cadwraeth Arbennig (ACA), sy’n golygu fod gennym gynefinoedd a rhywogaethau pwysig a bregus i’w hamddiffyn. Mae cadw cŵn ar dennyn yn helpu i amddiffyn y rhain ac yn atal baw cŵn mewn ardaloedd a amddiffynnir.

Mae cŵn ar dennyn yn haws eu rheoli ar ein llwybrau beicio hefyd, sy’n lleihau’r tebygolrwydd o wrthdrawiad ac yn cadw’r holl ymwelwyr yn ddiogel rhag afiechydon sy’n cael eu lledu mewn baw ci, fel Toxocara Canis (sy’n gallu dallu pobl).