Ydych chi’n chwilio am y lle delfrydol i gynnal eich achlysur, cynhadledd neu ddathliad?
Llys-y-frân yw’r lle perffaith i gynnal eich achlysur corfforaethol neu’ch dathliad nesaf gyda nifer o opsiynau ar gyfer grwpiau mawr a bach.
Mae ein tîm cynadledda a lletygarwch yno i drafod a gwireddu eich gofynion penodol. Cysylltwch â ni nawr i archwilio’r posibiliadau a llogi’r lle delfrydol yn Llys-y-frân.
Ffoniwch 01437 532 273 neu e-bostiwch llysyfran@dwrcymru.com.
Mae gennym amrywiaeth o ystafelloedd i’w llogi yn adeiladau’r Ganolfan Ymwelwyr a Gweithgareddau, a gallwn ddarparu ar gyfer grwpiau o ddeuddeg i gant a mwy.
Mae ein hystafell achlysuron yn lle hyblyg a golau y gellir ei drawsnewid i gyflawni’ch gweledigaeth. Yn agor yn uniongyrchol i’r balconi gyda golygfeydd panoramig o’r gronfa, dyma’r lle perffaith i ddathlu achlysur arbennig. Mae’r siâp ‘L’ eang yn ei gwneud hi’n addas i gynnal arddangosfeydd a ffeiriau masnach, ac mae’n gyfleus i gerbydau, sy’n gwneud gosod yn hawdd. Ym mhen pellaf y prif adeilad, mae’r ystafell yn cynnwys ffenestri ar dair ochr a mynediad uniongyrchol i’r gegin er mwyn gweini bwyd yn hwylus pan fo toriad yn y gynhadledd.
Os oes angen mannau cyfarfod llai neu lle i gynnal sesiynau ymneilltuo, mae yna ddwy ystafell seinglos yn ein Canolfan Gweithgareddau, y naill a’r llall yn cynnig digon o olau naturiol a system awyru. Mae’r ystafelloedd hyn yn cynnig golygfeydd hyfryd dros y gronfa hefyd, a gellir eu bwcio fesul un neu eu cyfuno’n un ystafell fwy. Mae un ystafell yn agor yn uniongyrchol i’r dec, sy’n berffaith am ddiodydd neu fel lle ymneilltuo ychwanegol.
Ar gyfer cyfarfodydd bach a chinio busnes, mae gan ein hystafell bwrdd sgriniau teledu rhyngweithiol hollol fodern, sy’n cynnig lle preifat gyda phopeth sydd ei hangen arnoch.
O fewn y ganolfan ymwelwyr, mae ardal gerddi’r gaeaf yn cynnig naws llai ffurfiol am ddiodydd gyda’r nos.
Mae Cymru’n ennill ei blwyf am gynnal achlysuron diwylliannol a chwaraeon o safon ryngwladol. Mae hi wedi dod yn lle poblogaidd ar gyfer ffilmio cynyrchiadau ffilm a theledu lleol a chenedlaethol hefyd. Gallwn gynnig cefndir unigryw a thrawiadol a’r holl gymorth sydd ei angen ar gyfer cynyrchiadau mawr a bach.
Am ragor o fanylion ffoniwch 01437 532 273 neu e-bosiwch llysyfran@dwrcymru.com. Byddwn ni’n hapus i drafod eich anghenion a darparu dyfynbris ar eich cyfer.
